Një shqiptar në Treviso, Itali është vënë në pranga pasi ka tentuar të përdhunojë mamanë e ish-të fejuarës.
E.S., 40 vjeç, dyshohet se u përpoq të përdhunonte nënën 57-vjeçare të ish-të dashurës së tij, në banesën e saj në Montebelluna në shkurt 2018.
Historia, siç raportohet nga Treviso Today, fillon me një marrëdhënie që përfundoi në një mënyrë të tmerrshme. Shqiptari persekutonte ish-in me telefonata, ndjekje dhe kërkesa për një takim, për të cilat E.S., u gjykua dhe u dënua në shkallën e parë me 5 muaj burgim.
Burri kishte hyrë në banesë duke kërkuar me zë të lartë të fliste me gruan. Nëna e kësaj të fundit ishte përpjekur ta qetësonte, duke zbritur në katin përdhesë të ndërtesës, ku po qëndronte i akuzuari.
“Në atë moment – tha gruaja – ai më kapi krahët me forcë, duke më shtrënguar fort dhe duke më shkundur. Pastaj më kapi krahun e djathtë dhe më tërhoqi zvarrë në cep dhe më mbërtheu në mur. Më kapi për mjekre dhe me dorën e majtë më bllokoi nofullën ndërsa me të djathtën më ledhatoi gjoksin”.
“Tani do të përdhunoj” përsëriti disa herë ndërsa me dorën e djathtë u përpoq të zgjidhte rripin e pantallonave. “Ai po bënte presion ndaj meje – kujtoi gruaja me lot – dhe ndërsa po e bënte atë preku pjesët e mia intime”.
Për fat të mirë, një kalimtar ndërhyri për të ndihmuar 57-vjeçaren, i cili më pas u dërgua në Repartin e Urgjencës në Montebelluna: me trauma.
“Ai më sulmoi pa ndonjë arsye – u justifikua shqiptari – Unë thjesht doja të flisja me vajzën”.
“Nuk është e vërtetë – përgjigjet 57-vjeçarja- unë e gërvishta në përpjekje për të më liruar. Më trembi për vdekje, disa ditë më vonë ika në Shqipëri ”.
/fanpage.it/
