Ditën e djeshme Kylie Jenner tregoi nëpërmjet një postimi në rrjetet sociale, blerjen e saj më të fundit.
22-vjeçarja kishte blerë një makinë të tipit “Bugatti”, e cila kap shifra marramendëse.
Sigurisht që këtë mjet luksoze ajo thjesht e shtoi në listën e gjatë të makinave të saj dhe ky veprim u komentua gjatë nga ndjekësit e saj.
Kylie Jenner with the Bugatti Chiron!!! pic.twitter.com/Ec80AVdq5T
— Drew Kelly (@DidYouSayDrew) October 6, 2019
Ata menjëherë shpërthyen në Twitter duke e ‘kryqëzuar’ yllin e familjes Kardashian-Jenner.
“Nuk e kuptoj se si njerëzit mund të blejnë më shumë makina seç ju duhen. Me aq lek mund të kishe ndihmuar për 1 vit me ushqime një fshat”, shkruan një ndjekës.
“Ow, wow një makinë tjetër! Përdori ato para për të ndihmuar të tjerët”, shkruan një tjetër.
Këto komente duket se nuk i kanë pëlqyer aspak 22-vjeçares, e cila pasi i ka lexuar fjalët e ndjekësve të saj ka fshirë postimet e makinës nga rrjetet sociale.
Kjo blerje marramendëse vjen vetëm pak ditë pas ndarjes nga Travis Scott dhe mesa duke Kylie po e trajton shumë mirë veten e saj me dhurata luksoze.
