Kendall Jenner u shfaq rrëzëllitëse ne kopertinën e revistës “Love Magazine”, teksa pozonte vetëm me disa rruaza të hedhura rreth qafës. Mirëpo intervista e modeles 22-vjeçare është keqinterpretuar nga fansat dhe ajo është dashur të sqarojë edhe njëherë gjithçka nga fillimi.
“Që prej fillimit të karrierës sime, kam përzgjedhur me kujdes të gjitha show-t që që kam bërë. Nuk kam qënë kurrë nga ato vajza, të cilat bëjnë rreth 30 shfaqje në sezon, apo dreqin e di se ç’bëjnë. Kam pasur mijëra oferta pune, jo vetëm pasarela, por gjithçka tjetër. Gjithashka erdhi krejt papritur dhe nisa të kisha shumë frikë, ndaj vendosa të tërhiqem për pak kohë” – tregoi ylli i “Keeping Up With The Kardashians” për revistën.
Dhe kaq desh, që interneti të ziente në komente negative për Kendall Jenner. Sipas fansave, modelja 22-vjeçare nuk tregoi aspak respekt për të gjitha koleget e saj, të cilat kanë arritur aty ku janë falë punës së palodhur dhe talentit. E kontaktuar nga “Harper’s Bazzar”, modelja sqaroi se fjalët e saj janë nxjerrë nga konteksti.
“Ajo çfarë thashë është nxjerrë krejtësisht nga konteksti. Dua ta sqaroj mirë. Respekti që kam për të gjitha koleget e mia është i jashtëzakonshëm. Unë vlerësoj shumë talentin dhe punën e tyre të palodhur. Është një arritje e madhe.” –u shpreh Kendall Jenner.
