Ditën e sotme në programin “Just Dance” konkurroi një 40-vjeçare, që i habiti të gjithë me energjinë e saj. Mirëpo performanca e saj nuk i pëlqeu shumë anëtarit të jurisë, Albi Nako, i cili i tha konkurrentes që më mirë do të ishte të martohej e të bënte fëmijë.
“Komplimente, por unë mendoj se të garosh me këta të rinj, pa përjashtuar gjithë energjinë tënde mendoj që je në një moshë më mirë martohu dhe bëj fëmijë se sa të vazhdosh”, u shpreh Albi.
View this post on Instagram
Pas kësaj deklarate të tij, që nuk u prit fare mirë nga publiku, nuk reagoi askush në studio. Për këtë arsye teleshikuesit kritikuan ashpër jo vetëm Albin, por edhe anëtarët e tjerë të jurisë dhe moderatoren, Dojna Mema, që qëndruan indiferentë. Mirëpo Dojna vetë nuk ka qëndruar indiferente pas kritikave që ka marrë dhe ka bërë një reagim në rrjete sociale.
Ajo shprehet se atë e vënë gjithmonë në shënjestër edhe kur ngre zërin edhe kur zgjedh që të mos flasë. Dojna thotë se ky është një problem i publikut shqiptar, që stimulohet vetëm nga ndjenja e urrjetjes. Ajo shton se në spektaklin që drejton ka një pozicion delikat dhe i duhet të mbajë një qëndrim asnjëanës, ndaj nuk foli ditën e sotme pas asaj situate.
“Quhem Dojna Mema dhe jetoj ne nje vend ku s’eshte e thjeshte te jesh NJERI. Punoj ne televizon dhe kjo ka qene gjithmone endrra ime. Jam penduar pak, sepse eshte e veshtire te kesh nje pozicion publik ne nje vend « jo-normal ». Nje dite te shajne me « liber shpie » pse jep opinion tend (sepse s’je ti per te dhene mend) dhe diten tjeter te shajne prape pse nuk e dhe. Kam mbajtur gjithmone qendrime te forta mbi seksizmin, ne vendin e kohe nuk mjafton, sepse nese zgjedh te qendrosh neutrale nje here, ke qene fallco gjithmone. Prezantoj nje talent-shoë kercimi me nje juri dhe pozicioni im eshte shume delikat, por gjithmone asnjeanes. Jam sulmuar serisht, me po te njejten dhune verbale, por kam arritur ne nje pike qe per fat te keq vika me moshen, kur ti kupton se je bije e nje populli qe e stimulon vetem ndjenja e shemtuar e urrejtes. Quhem Dojna Mema dhe jashte nje spektakli ku kam nje pozicion asnjeanes, mendoj se çdo forme seksizmi duhet te marre pergjigjen qe meriton!”, shkruan Dojna.
