Më datën 6 maj Dukesha e Sussex, Meghan Markle dhe Princ Harry u bënë prindër të një vogëlushi që vendosën ta quanin Archie Harrison Mountbatten-Windsor.
Të dy prindërit janë shprehur se ndihen pafundësisht të lumtur për ardhjen në jetë të bebushit mbretëror, ndërkohë komentet e shumta në mbarë rrjetin nuk kanë munguar.
Persona të fushës së medias kanë folur shumë për momentin kur Meghan së bashku me Princ Harry-n vendosën që ta prezantonin të voglin e tyre me gjithë botën.
Mirëpo krahasimet dhe aludimet kanë qenë nga më të ndryshmet. Një moderator i një programi në radio “BBC Radio 5”, Danny Baker, ditën e djeshme ka publikuar një foto të një shimpanzeje, teksa e ka shoqëruar me mbishkrimin: “Bebushi mbretëror lë spitalin!”
Dhe më pas ka ndodhur diçka që në njëfarë mënyre ishte e parashikueshme! Ai është pushuar menjëherë nga puna dhe këtë lajm e ka bërë të ditur vetë Baker përmes një postimi në Twitter.
