Aktori i famshëm Tom Hanks ka konfirmuar një lajm të keq për ndjekësit e tij në Instagram.
Krahas një fotoje të dorezave të higjenës, Hanks ka pranuar se ai dhe bashkëshortja, Rita Wilson, kanë rezultuar pozitivë ndaj Covid-19.
Aktori ka rrëfyer se ata kishin shfaqur simptomat e virusit si lodhje, dhimbje trupi, ethe dhe temperaturë.
“Përshëndetje njerëz! Unë dhe Rita jemi këtu në Australi. Ne u ndjemë të lodhur, sikur kishim ftohje dhe dhimbje trupi. Rita kishte herë pas here ethe dhe pak temperaturë. Të jemi të sinqertë, ne u testuam për koronavirus dhe rezultuam pozitivë.
Epo, çfarë duhet të bëjmë tani?! Mjekët kanë protokolle që duhen ndjekur. Ne do të testohemi, vëzhgohemi dhe izolohemi për aq kohë sa e kërkon siguria e shëndetit publik.”- shkruan Hanks krahas postimit të tij.
https://www.instagram.com/p/B9nVasnBNF5/
Në Australi, numri i të infektuarve me virusin vdekjeprurës ka shkuar në 120, ndërsa me një situatë të tillë po përballet edhe vendi ynë.
Numri i rasteve pozitive në Shqipëri ka shkuar në 15, përfshirë këtu edhe personin që ndërroi jetë ditën e djeshme në Durrës.
