Sara Hoxha dhe aktori i mirënjohur Ndriçim Xhepa janë dy aktorët tashmë të konfirmuar për filmin ‘Në kuadër të dashurisë’. Fotot e tyre u publikuan pak orë më parë në faqen zyrtare të faqes në Instagram, si për të konfirmuar dy aktorët e parë.
Kujtojmë se Luiz Ejlli dhe Olta Gixhari bashkohen në këtë projekt filmik pas përfundimit të eksperiencës në ‘Big Brother VIP Albania’. Nga ‘rivalë’ në shtëpinë e “Big Brother VIP”, ata vijnë tashmë si burrë dhe grua.
Ky film do të jetë një komedi romantike, që shfaq një histori dashurie në kohët moderne që ndërlidh jetët e dy njerëzve dhe të familjeve të tyre.
Dhe titulli i këtij filmi është frymëzuar nga shprehja e tij e famshme brenda shtëpisë; “në kuadër të lojës”. “Në kuadër të dashurisë” do të nisë xhirimet këtë muaj në qytetin e Korçës.
