Jason Derulo dhe e dashura e tij, Jena Frumes kanë njoftuar se janë në pritje të fëmijës së tyre të parë.
Modelja dhe këngëtari e ndanë këtë lajm emocionues nëpërmjet postimeve në Instagram.
Këngëtari publikoi një video me të dashurën e tij teksa të dy ecnin përgjatë plazhit gjatë perëndimit të diellit.
Ai më pas puthi barkun e mamasë së fëmijës së tij të ardhshëm.
“Nuk mund të isha më i ngazëllyer për këtë kapitull të ri në jetën tonë @jenafrumes,” shkroi Jason në një video.
View this post on Instagram
Jena gjithashtu postoi një foto të mrekullueshme nga i njëjti xhirim.
“Mami & Babi????“, shkroi ajo krahas fotos.
Çifti u takuan me njëri-tjetrin në palestër pak para pandemisë ku vazhduan të njohin njëri tjetrin më shumë dhe mesa duket lidhja e tyre qenka në një tjetër nivel teksa familja e tyre po zgjerohet dhe më shumë.
Kujtojmë se Jason para pak kohësh ishte në qendër të mediave rozë në vendin tonë për shkak se në ditëlindjen e tij të 30-të, ra shumë në sy urimi që Morena Taraku i kishte bërë.
Këngëtarja e pati uruar nëpërmjet një postimi në Instastory dhe në foto shfaqej bashkë më Jason Derulo.
Ata dukeshin mjaft të afërt me njëri-tjetrin teksa qëndronin ulur në një kolltuk dhe Morena në dorë mbante një gotë shampanjë.
“Gëzuar ditëlindjen Jason Derulo”, shkruante askokohe Morena në Instagram.
