Ayda Field dhe Robbie Williams njoftuan fansat e tyre se janë bërë sërish prindër, pasi mirëpritën vogëlushen përmes një nëne surrogate.
Çifti surprizoi të gjithë ndjekësit në “Instagram” këtë të premte, pasi u publikua një foto me duart e familjes dhe numëruam 5 të tilla.
Bashkëshortja e këngëtarit shkroi krah fotos arsyen pse vendosën që ta mbanin të fshehtë:
“Dalloj me sytë e mi një dorë të vogël ekstra. Ne kemi mbajtur një sekret shumë të veçantë! Jemi të lumtur të ndajmë me ju që kemi mirëpritur vogëlushen tonë… mirëseerdhe në këtë botë Colette (Coco) Josephine Williams!! Ishte një rrugë shumë e vështirë dhe e gjatë që të arrinim deri këtu, që ishte edhe arsyeja pse e kemi mbajtur larg syrit të publikut.
Familja vjen në të gjitha format dhe kjo vogëlushe, që është biologjikisht e jona, u mbajt nga një nënë e mrekullueshme surrogate, së cilës i jemi shumë mirënjohëse. Jemi mbi re që kemi këtë vogëlushe në jetën tonë dhe të bekuar që jetojmë në një botë që e bën këtë të mundur. Ashtu si me Teddy-n dhe Charlie-n, kërkojmë të respektohet privatësia e Coco-s dhe të na lejoni të rritemi në ekipin e ri prej 5 pjesëtarësh”.
Lajmi është tërësisht i papritur, pasi asnjë media nuk e kishte marrë vesh që çifti po priste një fëmijë të tretë.
Ayda dhe 44-vjeçari Robbie janë prindër të Theodora Rose Williams, 5 vjeçe dhe Charlton Valentine Williams, 3 vjeç. Të dy janë pjesë e jurisë së spektaklit “X Factor”.
Burimi: Daily Mail
