“E keqkuptova tamponin”! 55-vjeçari me COVID-19 që udhëtoi me autobus drejt Kakavijës, rrezikon 5 vite burg

Një 55-vjeçar i infektuar me COVID-19 që udhëtoi me autobusin e linjës Tiranë-Kakavijë, bashkë me persona të tjerë, rrezikon deri në 5 vite burg për vënien në rrezik të jetës së qytetarëve.

Qytetari i infektuar është kthyer nga policia shqiptare në pikën kufitare të Kakavijës për t’u vetëkarantinuar në shtëpi.

Lexo edhe :

Më shumë se kurrë, gratë në të 40-at po lidhen me meshkuj më të rinj se vetja/ A po përqafohet ky ‘trend’ edhe në Shqipëri?

15:39 06/02/26

Arbana Osmani: E kam dënuar veten që u mërzita kur mora vesh se isha shtatzënë me vajzën, nuk isha gati për një fëmijë tjetër

12:06 06/02/26

Ai raportohet të ketë thënë se e ka keqkuptuar përgjigjen pozitive me koronavirus, pasi ka menduar se “pozitive” tek dokumenti i lëshuar nënkuptonte se nuk ishte me virus.

Por përgjigja në testin e tamponit tregonte se ishte i infektuar. Nga Report tv mësohet se 55-vjeçari ka rezultuar pozitiv pas kryerjes së testit në një laborator privat të licensuar nga Ministria e Shëndetësisë.

Laboratori privat e  ka njoftuar ISHP-në për rastin pozitiv dhe u ka dërguar edhe mostrën. Sipas ligjit, përhapja me dashje me veprime apo me mosveprime e sëmundjeve infektive dënohet nga 2 deri në 5 vite burg.