Amarda Toska ka qenë moderatore e spektaklit “Dancing with the stars” për dy sezone radhazi, ndërsa këtë vit vendin e saj e ka zënë ish-missi shqiptar, Almeda Abazi.
Ami, e cila sapo është bërë nënë e një vajze, po e shijon nga ekrani televiziv këtë spektakël kërcimi, i cili shfaqet çdo të premte mbrëma. Ndërkohë që gara është bërë më e fortë dhe debatet janë bërë më të zjarrta, në këtë spektakël nuk kanë munguar as surprizat.
Ardi Asllani, kuratori i imazhit pranë “Dancing with the Stars” ka postuar një video nga puntata e kaluar dhe ka premtuar se edhe sot do të ketë një natë të mbushur me surpriza.
Por në këtë postim ka tërhequr vëmendjen e të gjithëve një koment i Amarda Toskës.
“Mezi pres t’ju shohë!!! Puthje për të tërë…”, komenton Amin në postimin e bërë nga Ardi Asllani në Instagram.
Me këtë koment Ami sapo na tregoi se mezi e pret darkën e të premtes dhe me sa duket “Dancing with the stars” mbetet spektakli i saj i preferuar. Gjithashtu na la të kuptonin se largimi i saj nga ky spektakël ka qenë paqësor dhe ruan marrëdhënie të mira me stafin organizativ të tij.
