Një urë e re që do të lidhë Bulevardin “Bajram Curri” me Bulevardin “Gjergj Fishta” dhe që do t’u vijë në ndihmë banorëve që jetojnë në lagjet në dy anët e lumit Lana, po ndërtohet këto ditë.
Ura e re në afërsi të Pallatit me Shigjeta do të jetë e hapur vetëm për këmbësorët dhe ajo i vjen në ndihmë mijëra banorëve të njësisë 5 dhe 7 që jetojnë në këtë zonë.
Ura që ka nisur të ndërtohet nga Bashkia Tiranë, siç shihet edhe nga fotot do të ketë një strukturë të veçantë, çka veç funksionit primar, atë për kalimin e këmbësorëve, do të përmirësojë ndjeshëm edhe imazhin e zonës përreth.
Kjo është ura e dytë që po ndërton Bashkia e Tiranës brenda dy vitesh, pas asaj te ish-Ekspozita.
/Top Channel
