Kryeministri i vendit Edi Rama përflitet gjithnjë për look-un e tij të veçantë që e bën të dallojë në mesin e politikanëve të huaj dhe shqiptarë.
Nëse e mbani mend (e dimë që e mbani) rastin kur ai veshi atlete të bardha në samitin e ministrave të jashtëm të Ballkanit Perëndimor në Londër, apo kur u shfaq me pantallona të shkurtra në ditën e votimeve dhe çorapet e gjata, e keni parasysh për çfarë po flasim apo jo?!
Megjithatë këtë herë bëhet fjalë për një ndryshim tjetër që ka lidhje me fytyrën e tij. Kreu i qeverisë ka rritur mjekrën dhe kjo është hera e parë që e shohim me këtë stil.
Look-u i ri është vënë re në videon e publikuar nga Rama rrugës për në Bruksel, bashkë me kryeministrin e Maqedonisë së Veriut.
Teksa Edi Rama fliste për vendimin e 18 tetorit për çeljen e negociatave për Shqipërinë, nuk mund të mos e vinim re mjekrën e tij që e bën të duket me disa vite më shumë mbi supe.
