Ju me siguri keni parë dhjetëra, qindra apo mijëra foto të olimpikëve duke kafshuar medaljen e tyre të arit. Jeni kuriozë për gjestin dhe për shijen?
Dhe kjo në fakt nuk është një fenomen i ri. Në vitin 1991 kemi një foto të grupit të Britanisë së Madhe që fitoi garën e vrapimit me pengesa.
Po atëherë pse e bëjnë të gjithë këtë veprim?
Arsyeja është që fotografët pak a shumë i detyrojnë ata. “Është kthyer në një fiksim me fotografët”, thotë David Wallechinsky, Presidenti i Shoqërisë Ndërkombëtare të Historianëve të Olimpiadës për CNN.
“Mendoj se ata e shikojnë atë si një foto ikonë, si diçka që me siguri do të shesë. Unë nuk mendoj se ëhstë diçka që atletët do të bënin vetë”, shprehet Wallechinsky.
Dhe sigurisht një mënyrë historike për të treguar se floriri është i vërtetë është ta kafshosh atë. Dhembët tuaj do të lejnë shenjë në floririn e vërtetë, pasi është i butë. Të kafshosh medaljen mund të jetë e rrezikshme, pasi në 2010-n, në Gjermani David Moeller theu dhëmbin e tij të parë, ndërsa kafshonte medaljen e argjendtë për fotografët.
Ndërsa disa të tjerë zgjedhin ta puthin, në vend që ta kafshojnë.
Burimi: CNN
