Reshjet e shiut nuk janë larguar nga vendi, pasi Meteoalb raporton se gjatë pasdites në zonat e ulta dhe malore do të ketë mot të kthjellët.
Ndërsa, në veri dhe juglindje të vendit gjatë pasdites do të ketë rrebeshe shiu, teksa temperaturat e ajrit do të shkojnë deri në 35 gradë.
Për ata që janë në bregdet, duket se moti do jetë favorizues, pasi do jetë i kthjellët dhe pa reshje shiu.
“Ditën e sotme do të mbetemi nën ndikimin e motit të kthjellët në bregdet, por në zonat e ulëta dhe malore do të ketë kthjellime dhe vranësira të shpeshta, të cilat gjatë pasdites do të sjellin rrebeshe shiu të izoluar veri-verilindje dhe juglindje. Mbrëmja parashikohet që të vijojë me kthjellime dhe vranësira. Më të dukshme vranësirat do të jenë në zonat malore. Temperaturat e ajrit do të jenë të ulëta gjatë mëngjesit, por do të rriten në mesditë duke luhatur vlerat ditore nga 12°C deri në 35°C. Era do fryjë mesatare me shpejtësi deri 40 km/h nga drejtimi Verior-Veriperëndimor duke krijuar brigjet detare dallgëzim deri 4 ballë.”, thuhet në njoftim.
