Ashtu siç pritej, banorët e rinj “Big Brother VIP Albania” kanë filluar të përfshihen në debate dhe diskutime edhe pse janë në ditët e tyre të para brenda garës.
Ditën e sotme, teksa banorët po kalonin kohë në oborr, Xheisara dhe Arbri kanë pasur një krisje me njëri tjetrin ku ajo i është drejtuar atij duke i thënë se ai e ka nisur keq me të.
“E ke nisur keq me mua,qetësohu se është dita e dytë,më jep pak kohë,nesër e mbrapa fillojmë”- iu drejtua Xheisara.
“Po fillo kur të duash”- i tha Arbri.
“Po çke ti se unë do bëhem meme përjashta jo ti,ç’punë ke” – tha Xheisara.
“Okej, mendo për publikun pra”- i tha Arbri.
Rikujtojmë se Xheisara është një emër shumë i diskutuar në mediat rozë për shkak të përfshirjes së saj në një sërë polemikash dhe ngjarjesh.
Një ndër to është edhe trekëndëshi i dashurisë “Romeo-Xheisara-Jonida”. Lidhur me këtë gjë, ajo ka thënë:
“Më thoshin disa mos i ke ngacmuar Romeon Jonidës, po s’kam kohë unë të merrem, nuk kam bërë kurrë nga këto, s’jam kështu goce. Nuk e kuptova pse u kap personalisht me mua. Kam tri vite që këndoj në një nga lokalet më të mira në Tiranë dhe pranë një ndër divave të Shqipërisë, Aurel Gaçe. Për aq kohë sa jam e përzgjedhura e Aurela Gaçes, unë kam gjithë botën.”
