Modelja Klaudia Kalia i ka hedhur benzinë zjarrin me deklaratën e fundit për reperin Getinjo, duke ngritur shumë pikëpyetje për marrëdhënien e tyre.
Klaudia ka provuar trendin më të fundit në Instagram, lojën me pyetje “E kam bërë” dhe “Nuk e kam bërë”.
Një ndjekës kurioz e ka pyetur modelen seksi nëse e ka puthur ndonjëherë Getinjon, ndërsa Klaudia mori vëmendjen e të gjithëve me përgjigjen:
“E kam bërë”
Më tej, ajo sqaroi se e ka puthur Getinjon vetëm në faqe, por kush e beson?
Vetë reperi e ripostoi deklaratën e Klaudias në InstaStory-n e tij, duke shkruar:
“Karramel mos um bon della.”, ndërkohë të gjithë janë kuriozë të dinë nëse ka vërtetë diçka më shumë mes tyre.
Kjo nuk është hera e parë që Getinjo përflitet për lidhje me vajza të njohura.
Disa javë më parë u dyshua se ai kishte nisur një marrëdhënie dashurie me një bukuroshe brune të quajtur Rina.
I ftuar në “Shiko kush luan”, reperi ka folur për herë të parë mbi marrëdhënien e tyre. Gjatës një loje Getinjo u vendos përballë pyetjes se cila është e vërteta e lajmeve për një dashuri të re mes tij dhe zeshkanes seksi. Getinjo plot sportivitet zbuloi se mes tyre nuk ekziston një lidhje dashurie, por janë vetëm miq. Megjithatë, ai shtoi se shumë shpejt ajo do jetë pjesë e muzikës.
