Genc Prelvukaj tashmë ndihet 100 për qind shqiptar.
Kjo pasi këngëtari nga Kosova ka marrë nënshtetësi shqiptare.
Ai ka treguar se prej kohësh ka dashur të bëhet shtetas shqiptar, pasi gjithmonë e ka ndjerë veten qytetar të Shqipërisë.
Genci ka shkruar se ai nuk e ka marrë vetëm si dokument pasaportën, por si diçka më shumë, si diçka shpirtërore. I fundit nga familja që e ka pasur këtë dokument ka qenë stërgjyshi i tij.
“Në shtëpinë tonë ky dokument mungoi për 100 vite rresht. I fundit që e kishte, ishte stërgjyshi Mehmeti. Për mua, ky nuk është vetëm dokument udhëtimi, është diçka më shumë, është shpirtërore. E kam dashur Shqipërinë si fëmijë dhe vazhdoj ta dua si i rritur. Është kultura e trashëguar në shtëpi me shekuj. Shumë nga paraardhësit e mi kanë rënë në fushëbetejë për Shqipërinë dhe ne jemi edukuar në atë frymë.
Kam qenë çdoherë qytetar i saj, me emocion dhe zemër ndërsa nga sot jam edhe me dokumentet e saj. Sot kam marrë pasaportën e Republikës së Shqipërisë”, shprehet Genci.
https://www.instagram.com/p/B2ocvd0JK5Z/
