Ndarja e reperit Stresi me partneren e tij, Keisin, është kthyer në lajmin më të bujshëm në media dhe prej javësh po flitet kudo për çiftin.
Ende nuk dihen arsyet e ndarjes së tyre, mirëpo postimet e shumta të Stresit dhe Keisit në Instagram i kanë bërë të gjithë të mendojnë se ata po i hedhin kunja njëri-tjetrit.
Për herë të parë në emisionin “Bukë me vete” të Roza Latit, reperi ka folur publikisht për ish-partneren e tij, ndarjen dhe postimet e shumta në Instagram.
E pyetur nga Roza nëse është e vërtetë se ai dhe Keisi gjatë kësaj kohe kanë hedhur kunja për njëri-tjetrin, Stresi ka mohuar gjithçka.
Madje reperi shton se ndarja është diçka që i ka ndodhur shpesh, ndaj është mësuar ta kalojë shpejt.
“Nqs e keni vënë re, unë s’kam postuar kurrë për asnjë gjë. As nuk do të postoj kurrë. Janë çështje që nuk është hera e parë që i kalojmë. Unë jam shumë i fortë, unë e kaloj shumë shpejt çdo gjë. Kështu që…”- ka rrëfyer ai.
Gjithashtu, gjatë intervistës Roza e pyeti për këngën “Love Story”, e cila është një dedikim për Keisin dhe historinë e tyre të dashurisë.
Stresi tregoi se kjo është një ndër këngët e tij më të vërteta, që ka mbledhur disa kujtime të bukura dhe këngën ai vazhdon ende t’ia dedikojë personit për të cilin e ka kënduar.
Epo,, paska një dritë në horizont edhe për historinë e tyre të dashurisë! Ne po presim me padurim që Keisin dhe Stresin t’i shohim sërish në krahët e njëri-tjetrit!
