Në një moment kur e gjithë bota është në tension për shkak të koronavirusit , ky këngëtar amator ka dashur të përfitojë.
James Patok 28 vjeç ka bërë nja shaka pa kripë në një avaion me 243 pasagjerë.
Në mes të avionit që nisej nga Torino, ai tha se nuk ndihej mirë pasi kishte qenë në Wuhan dhe mendonte se ishte prekur nga koronavirusi.
Deklarata e tij ka shokuar pasagjerët dhe pilotët janë detyruar të ulin avionin para kohe dhe me urgjencë.
Pas kësaj, ai tregoi se e gjitha ishte një shaka dhe ai thjesht dëshironte të hidhte në Instagram një video për të tërhequr vëmendje dhe famë.
“Pati një reagim sikur të kisha thënë; hej kam një bombë! Ishte thjesht një shaka, mendova se do më kuptonin. Doja një video për Instagram që të bëhej virale. Por u shokova kur pashë fytyrat e njerëzve, asnjë nuk qeshi dhe të gjithë u alarmuan. Më vjen keq për injorancën time. Jemi në një epidemi dhe të gjithë në fakt ndihemi të kërcënuar”, u shpreh ai pasi avioni bëri zbritjen urgjente.
Në rregull! Kjo shaka në një moment tjetër ndoshta do t’i bënte punë, por në kohën kur të gjithë janë në makth gjesti i tij është thjesht i shëmtuar.
