Në intervistën e tij në emisionin “A live night” nga Ledion Liço, Ledri tregoi historinë e njohjes së tij me partneren, Sara Hoxha.
Dyshja janë në një lidhje prej vitesh dhe kanë një vajzë së bashku, Poem Blu.
“Më Sarën jam njohur shumë rastësisht. Në një koncert në Gjermani, ku shoqet e Sarës donin të vinin të më shihnin live. Sara nuk më njihte. Më dinte këngët, por nuk e dinte kush isha. Ka ardhur me shoqet. Kur erdhi të bëjë foto, më ka pëlqyer Sara. Më pas nisëm të flasim në Instagram, derisa e kam takuar. Për herë të parë e takova në Shqipëri, më ka munduar derisa e kam takuar. Publike u bë sepse na kanë parë njerëzit bashkë, dhe ka shkuar virale. Herë të tjera më pengonte nëse e dinin, me Sarën nuk më bezdiste”- u shpreh reperi.
Ledri shprehu ndjenjat e tij në mënyrën më të bukur duke treguar që ata plotësojnë njëri-tjetrin.
“Sara është pak më ekstroverte, nuk është e mbyllur si unë. Ia thotë njerëzve gjërat në sy, unë gjej një mënyrë si mos ta lëndoj dikë. Sara është më e drejtpërdrejtë. Çfarë nuk kam unë, e ka Sara, çfarë nuk ka ajo, e kam unë. Jemi një ‘team’ bashkë. Më pëlqen edhe kur udhëtoj me Sarën. Është shumë e organizuar”
Ai ka folur për vajzën e tij dhe se si jeta e tij ka ndryshuar që pas lindjes së saj.
“Që do vinte dita që unë do vdisja për dikë, nuk e kam besuar. Asgjë nuk bëj për vete, gjithçka e bëj për të. Gjithçka që bëj sot e bëj për të”- përfundoi Ledri.
