Këngëtarja Morena Taraku po jeton prej disa kohësh në Turqi, vend i cili së fundmi ka marrë masa të rrepta kundër Covid-19.
Qeveria ka lajmëruar se për 48 orë do të mbyllet gjithçka, mirëpo Morena është gjendur në një situatë të sikletshme.
Këngëtarja është detyruar të qëndrojë larg familjarëve, ndërkohë që lutet që Zoti të bëjë mrekullira dhe të gjithë të takohemi me personat që duam.
Morena rrëfen për ndjekësit e saj sa keq e përjetoi lajmin e izolimit për 48 orë, duke iu dashur ta kalojë e vetme këtë situatë.
“Shpresoj që jeni mirë. Në Istanbul sot kanë vendosur që 48h të mos dilet askund, të qëndrojmë vetëm në shtëpi. Unë kam qëlluar larg familjes time dhe tani që dëgjova që ne nuk mund të dalim 48h as tek dera e shtëpisë, u mërzita shumë dhe po lutesha që të na lejojë Zoti t’i shohim edhe njëherë sa më parë të afërmit e zemrës.
Ata që janë afër familjes, sa më shumë dashuri për njëri-tjetrin. Kurse ata që karantina i ka ndarë nga njerëzit e zemrës, sikurse mua, në mesin e miliona njerëzve të huaj, lutuni që sa më shpejt Zoti të bëjë mrekullira dhe të takohemi përsëri me ata që duam.
Unë kam vetëm këtë lutje tek ti Zot…
Desha ta ndaj me ju, sepse ky shkrim mund të ishte edhe tek ditari im dhe të mos e lexonte askush… por ta dish që ti nuk je i vetmi që ndihesh kështu.
E juaja, Morena.”- janë fjalët e këngëtares në InstaStory.
Deri tani, Turqia numëron 47,029 raste pozitive me Covid-19, si dhe 1,006 jetë të humbura.
