Këngëtarja dhe politikania e njohur Eliza Hoxha, zbuloi pak ditë më parë se ishte infektuar me koronavirus.
Ajo tregoi se rezultoi pozitiv në testin për virusin që e realizoi pas simptomave të etheve dhe temperaturës që kishte prej ditësh.
“Të dashtun miq, pas testit negativ të javës së kaluar sot e kam ripërsëritur testin dhe kam dal pozitiv… Kjo për faktin që tre ditët e fundit kam pasur disa nga simptomat që e shquajnë këtë virus si: Plogështi, Ethe, Temperaturë, Koll. Po ashtu kam vërejtur aritmi të theksuar këto ditë… Çfarë mund të ju them unë e që nuk e keni dëgju deri tani…Asgjë më shumë përtej se të kujdeseni për veten e të tjerët. Maska, higjiena e theksuar, distanca tashmë janë domosdoshmëri dhe mënyrë jetese. Virusi ekziston. Do të jetë gjatë me ne, prandaj duhet të mësohemi të bashkëjetojmë me të. Për ata që i kam pas afër këto ditë uroj të mos sëmuren, e nëse po ta kalojnë me lehtësi. Sh’net!”, ka shkruar ajo.
Por Eliza është parë së fundi jashtë shtëpisë së saj, dhe pas pamjeve të fundit fansat e kanë akuzuar se ka thyer rregullat e karantinës.
Menjëherë pas publikimit të fotove, ka reaguar vetë Eliza e cila tregoi dhe arsyen përse kishte dalë jashtë.
Ajo tregoi se kishte zbritur para pallatit pasi priste të merrte rentgenin e mushkërive.
“…Nuk po ta bijshin në shpi rentgenin për mushkeri….turp të keni me këso gjanash e pa pikë konsiderate për shëndetin”, ka sqaruar Hoxha.
