Në kopertinën e revistës italiane “Chi”, modelja Bellen Rodriguez ka konfirmuar lajmin e bukur të pritjes së ëmbël dhe faktin që po bëhet nënë për herë të dytë.
Ajo dhe partneri, Antonino Spinalbese po presin një fëmijë së bashku, ndërsa tetë muaj më parë u njohën dhe nisën romancën e tyre.
“Ishte dashuri me shikim të parë. Sapo e pash mendova që është shumë i bukur dhe ja thash këtë”,- ka treguar Belen për stilistin e flokëve.
View this post on Instagram
Edhe pse vendimin për t’u bërë prindër e morën 4 muaj pas njohjes për asnjërin prej të dyve ky nuk është problem.
“Realiteti është që unë kam fëmijë me burra të ndryshëm, por ky nuk është problem. Jam e lumtur. Pas dështimit me martesën time më në fund gjeta fuqinë të jetoj sërish”- ka thënë Rodriguez gjatë intervistës.
Për “Verissimo”, Belen ka treguar se para kësaj shtatzënie ka pësuar një abort.
“Kam mbetur shtatzënë pa dashje. Kur Antonino dhe unë e zbuluam lajmin ishim të entuziazmuar që kishte ndodhur. Nuk e prisnim, sepse ishte me të vërtetë shumë herët, por atëherë e kuptuam se nuk ishte diçka e keqe, sepse ishim dashuruar çmendurisht. Fatkeqësisht pas katër ditësh e humba fëmijën. U trishtuam jashtëzakonisht. Kjo na bëri të kuptojmë se e dëshironim shumë një fëmijë. Për fat të mirë, muajin tjetër mësuam lajmin se isha sërish shtatzënë”- ka treguar ajo.
Gjithashtu, bukuroshja italiane ka zbuluar se po pret një vajzë.
“Jam duke pritur një vajzë. Do të quhet Luna Marie. E kisha ëndërr të kisha një vajzë. Do të lindë në verë. Shpresoj të duket si unë, mezi po pres t’i bëj shumë gërsheta.”
