Reshjet e shiut do të mbizotërojnë në mbarë vendin edhe këtë fillim jave.
E hëna parashikohet sërish e paqëndrueshme, me reshje shiu e shtrëngata kryesisht në Veri të territorit.
Sipas Shërbimit Meteorologjik, deri në mes të javës moti do të mbizotërojë me kthjellime e zhvillime të vranësirave.
Këto vranësira në formë të izoluar do të pasohen nga reshje shiu. Prej ditës së enjte moti me diell do të mbizotërojë në vend.
Gjatë këtyre ditëve era përgjithësisht do të fryjë e lehtë e mesatare në det me drejtim Jugperëndim-Veriperëndim. Valëzimi në det parashikohet i forcës 2 dhe 3 ballë.
Sot, (e hënë, dt.09) temperaturat minimale dhe maksimale të ajrit pritet të arrijnë:
në bregdet: 19 / 27 °C
në vendet e ulëta: 19 / 27 °C
në vendet malore: 13 / 24 °C.
