Mbrëmjen e sotme ka ndërruar jetë rrugës për në spital një 47-vjeçar në Selenicë të Vlorës.
“Newsbomb” bën me dije se viktima është Nikola Ikonomi, i cili njihet edhe me emrin Laver Tozaj. Ai u gjet i plagosur nga kalimtarët pranë shkollës së Selenicës, ku ndodhet edhe banesa e tij.
Për fat të keq ai nuk ka shpëtuar dot, pasi një prej plumbave e kishte zënë në kokë.
Dyshohet se 47-vjeçari është qëlluar me pistoletë nga persona të paidentifikuar teksa po shkonte në shtëpi.
Policia ka nisur hetimet për zbardhjen e plotë të ngjarjes.
