Era Istrefi nuk ishte e vetmja këngëtare shqiptare që ngriti në këmbë publikun rus gjatë finales së Kampionatit Botëror.
Arilena Ara ishte gjithashtu në Rusi ku performoi në “FIFA Fan Zone” në Moskë. Ajo ka publikuar dy video në Instagram, ku shfaqet duke kënduar hitin “Nëntori”.
E gjithë turma shihet me duart lart teksa ndjek ritmin e këngës dhe këndon në gjuhën shqipe.
“Gjithë Rusia shqip”, shkruan Arilena teksa publikon videot e xhiruara në Moskë.
Kënga “Nëntori” ka rrëmbyer vendet e para në klasifikimet muzikore në Rusi dhe është një nga hitet e preferuara të Arilenës.
