Coronavirusi në Itali nuk ndalet, teksa numri i viktimave dhe i të infektuarve vijon të rritet ndjeshëm, ku deri tani janë mbi 8,000 persona të infektuar dhe 465 viktima.
Në këto kushte, kryeministri italian në një konferencë për shtyp ka bërë me dije se nga nesër vendi fqinj do të jetë një karantinë kundër Coronavirusi, duke ndaluar lëvizjet e brendshme.
Conte ka shtuar se infektimet dhe rastet e vdekjeve nga virusi vdekjeprurës po përhapen me shpejtësi dhe për këtë shkak duhet që të merren masat për të shpallur karantinë të gjithë Italinë.
Po ashtu, janë pezulluar të gjitha tubime, aktivitetet sportive dhe mbledhjet e tjera masive të njerëzve.
“Nuk do të ketë më një zonë të kuqe. Masat kufizuese shtrihen në të gjithë Italinë. Lëvizjet do të jenë të mundshme vetëm për arsye të punës, domosdoshmërisë apo shëndetit. Numrat na tregojnë se ne kemi një rritje të madhe të njerëzve nën kujdes intensiv dhe për fat të keq edhe të personave që kanë vdekur. Zakonet tona duhet të ndryshohen tani: të gjithë duhet të heqim dorë nga diçka për të mirë të Italisë. Ne duhet ta bëjmë atë menjëherë dhe do të kemi sukses vetëm nëse të gjithë bashkëpunojmë dhe përshtatemi me këto rregulla më të rrepta. Stop të gjitha ngjarjet sportive.”- tha Conte.
Kujtojmë se më herët mbrëmjen e sotme u konfirmua edhe viktima e parë shqiptare në Itali, teksa familjarët e saj janë në karanatinë./gazetareforma
