Të gjitha kritikat për fotot flirtuese me Rita Orën, duket se kanë rënë në vesh të shurdhër për kampionin e arteve marciale, Conor McGregor.
Ai u quajt “i pasjellshëm”, ndërsa Rita u quajt “kur.ë”, pas një sërë fotografish të publikuara mbrëmjen e së hënës, ku shfaqeshin afër njëri-tjetrit, pavarësisht se Conor ka një lidhje 9-vjeçare.
29-vjeçari, provoi se nuk ishte prekur nga reagimet e ashpra, ndërsa i dha një mbështetje të guximshme këngëtares, 27-vjeçare, gjatë një mbrëmjeje të zjarrtë në klubin e natës të Londrës Cirque Le Soir të mërkurën.
Boksieri, i cili ka një djalë me partneren e tij afatgjatë, u filmua duke kapur mikrofon dhe duke bërtitur ‘Bërtisni Rita Ora!’ për t’i shprehur këngëtares mbështetje për komentet fyese që kanë shpërthyer ndaj saj këto ditë.
Videoja tregon sportistin teksa kërcen dhe mban mikrofonin në dorë. Ai më pas bën një gjest mjaft prekës kur thotë emrin e Ritës, teksa vendos dorën në zemër.
Rita Ora u bë objektiv i komenteve më fyese ndonjëherë, për shkak të disa fotove që publikoi me kampionin e arteve marciale, Conor McGregeor.
Fituesi i EuroMillions Jane Park, arriti deri aty sa të quantë Ritën një “kur.ë”, pasi kishte flirtuar me Conor në mbrëmjen e Fashion Awards.
Por Rita Ora diti si t’ua mbyllë gojën këtyre fjalëve duke bërë zyrtare në Instagram, lidhjen me muzikantin Andrew Watt, i cili thuhet se është i dashuri i saj për më shumë se një vit.
Këngëtarja 27-vjeçare publikoi një foto bardhezi ku shfaqej me dorën në krahun e muzikantit në mbrëmjen e së hënës në Londër, teksa shkruante: “Mbrëmë” dhe dy ikona zemrash anembanë shkrimit.
