Megjithëse ishte njoftuar se hapja e transportit publik do të bëhej më 15 qershor (të hënën), ky vendim është ndryshuar sërish nga Unioni i Shoqatave të Transportit Publik.
Shoqata ka deklaruar se nuk i kanë kapacitetet e duhura për të rifilluar transportin në linjat kombëtare.
Gjithashtu, përmendet fakti se është e pamundur të operohet me fatorinot.
“Sa kohë kemi këto kushte aktuale, të gjithë kompanitë në transportin publik, janë të paafta për të filluar këtë shërbim. Të gjithë operatorët e transportit publik mezi presin rifillimin e shërbimit. Nevoja për të operuar të gjitha subjekte e kanë shumë të madhe. Është e pamundur të respektohet ai protokoll që ne kemi marrë, nga mediat, në një mjet të transporti qytetas apo ndërqytetës.
Protokoll zyrtar nuk kemi marrë akoma. Një problem tjetër është edhe me faturinot sepse me atë protokoll, 75% e ngarkesës, do të jetë shumë e vështirë të operohet me faturino. Ditën e hënë nuk ka nisje të transportit publik, është vendimi i shoqatës për transportin qytetas e ndërqytetës në këto kushte është e pamundur. Nuk kemi mundësi financiare”- janë shprehur përfaqësuesit e shoqatës.
Për më tepër, ata kërkojnë heqjen e akcizës dhe taksave për karburantin, heqjen e TVSH-së së transportit gjatë vitit 2020, si dhe TVSH-ja për transportin të shkojë 6% në vitin 2021.
Burimi: abcnews.al
