E fundit: Shkon në 26 numri i viktimave për shkak të Covid-19 në Shqipëri

Shefja e ISHP-së, Silva Bino, njoftoi se është shënuar një tjetër viktimë për shkak të virusit Covid-19 në vend.

Një paciente 64-vjeçare nga Tirana ka ndërruar jetë.

Lexo edhe :

Groenlanda si vijë e parë mbrojtëse për SHBA-në dhe NATO-n/ Hartat që shpjegojnë pse Trump dëshiron me ‘kaq zjarr’ blerjen e saj

23:29 16/01/26

“A do ta takoj ndonjëherë?”/ Selin bisedon me Mirin për babain e saj: Nuk e di ndoshta e ke mërzitur…

22:56 16/01/26

Ajo ndodhej e intubuar prej më shumë se dy javësh dhe mësohet se kishte disa sëmundje bashkëshoqëruese.

Viktima ishte shtruar në spitalin “Shefqet Ndroqi”, ndërsa gjendja e saj shëndetësore është përkeqësuar mëngjesin e sotëm.

Kështu, ajo është viktima e 26-të për shkak të Covid-19 në Shqipëri.

Ditën e sotme u konfirmuan 24 raste të reja, duke e çuar në 518 numrin e të infektuarve në vend.

Shpërndarja gjeografike e rasteve pozitive:

– Tiranë 241 raste
– Durrës 42 raste
– Lushnje 6 raste
– Elbasan 16 raste
– Fier 35 raste
– Kavajë 9 raste
– Rrogozhinë 4 raste
– Korçë 19 raste
– Vlorë 5 raste
– Shkodër 83 raste
– Lezhë 14 raste
– Berat 2 rast
– Has 13 raste
– Krujë 7 raste
-Tropojë 4 raste
– Pukë 5 raste
– Mirditë 3 raste
– Kukës 9 rast
-Mallakastër 1 rast