Vijon të përparojë frikshëm Covid-19 në vendin tonë, pasi në 24 orët e fundit janë shënuar 2 viktima, duke e çuar numrin total të të vdekurve prej fillimit të epidemisë në 150. Ka humbur jetën një 68 vjeçare nga Shijaku me disa sëmundje bashkëshoqëruese në spitalin Infektiv dhe në spitalin Covid2 “Shefqet Ndroqi”, një 60 vjeçare nga Tirana, pa sëmundje të tjera.
Sakaq, në përditësimin e përditshëm të të dhënave, Ministria e Shëndetësisë informoi se në 24 orët e fundit janë regjistruar 108 raste të reja dhe tashmë numërohet 5105 të infektuar në total.
Shpërndarja gjeografike e rasteve është si vijon: 52 raste në Tiranë, 12 në Krujë, 7 në Kukës, 6 në Fier, 5 në Mirditë, 4 në Tropojë, nga 3 raste në Vlorë, Kamëz, Përmet, nga 2 raste në Elbasan, Tepelenë, Memaliaj, nga 1 rast në Kurbin, Korçë, Lezhë, Has, Berat, Pogradec, Prrenjas.
Tepër serioze duket situata në dy spitalet Covid, ku janë të shtruar 125 pacientë, nga të cilët 17 janë në terapi intensive dhe 7 pacientë janë të intubuar.
Fatmirësisht, këto 24 orë janë shëruar 41 persona dhe në total numërohet 2830 persona që kanë fituar betejën me koronavirusin.
Shpërndarja gjeografike e rasteve aktive sipas qarqeve:
Tiranë 1146
Durrës 255
Shkodër 202
Vlorë 105
Lezhë 83
Fier 76
Korçë 69
Kukës 60
Elbasan 49
Berat 30
Gjirokastër 29
Dibër 21
https://www.facebook.com/edirama.al/videos/306589627358613/
