Ministrja e Shëndetësisë, Ogerta Manastirliu, me anë të një video-mesazhi në rrjete sociale dha lajmin se nga nga data 1 qershor po planifikohet të lejohet hapja e çerdheve dhe e kopshteve publike dhe private. Ajo theksoi se ky plan do të varet vetëm nëse situata do të jetë e qëndrueshme deri atë ditë.
“Dëshiroj të ndalem këtu, duke theksuar nevojën e një vlerësimi të thellë dhe shumë të kujdesshem të kushteve higjeno-sanitare për cdo strukture të kopshteve dhe cerdheve dhe standardeve qe duhet të plotesojne për të mirëpritur femijët në këto institucione me rregullat e reja. Protokollet e sigurisë do të bëhen të njohura në ditët në vijim, ku dhe do të ngarkohen për zbatim të gjithë insitucionet përgjegjëse për plotësimin e tyre deri në këtë datë”, tha Manastirliu.
Ogerta Manastirliu tregoi ndër të tjera me detaje planin e hapjes duke filluar që nga 18 Maji. Ajo tha se gjithashtu do të hapen muzetë, galeritë e arteve dhe sitet arkeologjike nën masa të rrepta.
Manastirliu ka bërë me dije se janë 15 bashki që nga e hëna që do jenë zonë e gjelbërt përfshi këtu Lushnjën, Kukësin, Lezhën apo Korçën
Ajo tha se në këto zona lejohet qarkullimi ndërqytetas brenda zonave të gjelbërta me automjet privat deri në orën 21:00, ndërkohë që do të hapen gjithashtu në gjithë vendin parukeritë, berberët, klinikat dentare apo qendrat tregtare.
”Nga dita e hënë data 11 Maj, sic e kemi lajmëruar, shtohen si zonat të gjelbërta bashkitë: Lushnje, Patos, Roskovec, Korcë, Has, Kukes, Lezhë, Mirditë, Fushë-Arrez, Malësi e Madhe, Pukë, Vau Dejes, Kavajë dhe Vorë me të njëjtat rregulla. Në këto zona lejohet qarkullimi ndërqytetas brenda zonave të gjelbërta me automjet privat (duke lejuar udhëtimin e më shumë se dy personave të së njejtës familje) deri në orën 21:00. Ndërkohë që mbeten në fuqi rregullat që ndalojnë grumbullimin e më shumë se pesë personave, aktivitetet kulturore dhe sportive të cdo lloji dhe transporti publik si dhe njësitë ekonomike ende të mbyllura. Po kështu, nga data 11 Maj lejohen të ushtrojnë veprimtari sipas protokolleve strikte të sigurisë, me të cilat bizneset janë njohur përgjatë kësaj kohe, aktivitetet si më poshtë, klinikat dentare, parukeri, berber dhe dyqanet në qendrat tregëtare. Theksojmë se është shumë i rëndësishëm zbatimi i distancimit fizik dhe kushteve të higjenës në këto aktivitete biznesi, ku ashtu sic po realizohet në vijimësi, task forca do të vijojë kontrollin për zbatimi e protokolleve të sigurisë. Duke filluar nga data 11 Maj të gjithë të riatdhesuarit do të vetëkarantinohen në banesë.”- tha Manastirliu.
Ministrja e Shëndetësisë theksoi se procesi mësimor dhe provimet e maturës shtetërore do të zhvillohen sipas udhëzimeve dhe protokolleve të miratuara.
Ndërkohë do të vijojnë të jenë të ndaluara aktivitetet kulturore dhe sportive në ambientet e hapura dhe të mbyllura.
Deri më tani 70% e të infektuarve janë shëruar teksa janë 199 raste ende aktive, por prej 10 ditësh Shqipëria nuk shënon asnjë humbje jete prej COVID-19.
