Tërmeti 6.4 ballë ka lënë në qiell të hapur banorë nga disa qytete të Shqipërisë.
Pas kësaj janë ngritur disa çadra dhe banorëve u janë ofruar ndihma nga njerëz të ndryshëm, por duket se ato nuk janë të mjaftueshme.
Dëmet materiale janë të mëdha dhe Kryeministri Edi Rama bën me dije një njoftim të rëndësishëm.
Ai ka postuar në Facebook një njoftim ku tregon se të gjithë banorët do të strehon dhe qeveria do të bashkëpunojë me hotelet e zonës.
“Dimri nuk kalohet dot as nën qiell të hapur e as në tenda, prandaj qeveria do të nënshkruajë një marrëveshje me strukturat hoteliere të Durrësit, Kavajës dhe edhe Vlorës po të jetë nevoja, që të gjitha familjet e mbetura pa çati, të strehohen në kushte optimale, të shërbehen në kushte optimale, t’i kalojnë edhe festat e fundvitit në kushte optimale bashkë me fëmijët e tyre, ndërsa këta të fundit jo vetëm të mos jenë të detyruar të braktisin shkollën asnjë ditë, po edhe të mësojnë në kushte optimale”, shkruan kryeministri.
Ndërkohë numri i viktimave vazhdon të rritet dhe sapo është nxjerrë nga rrënojat një 24-vjeçar.
