Një ngjarje e rëndë ka ndodhur mbrëmjen e sotme në spitalin Covid2, Shefqet Ndroqi.
Mësohet se rreth orës 20:00 një pacient 65-vjeçar me iniciale H.M është hedhur nga kati i katërt i këtij spitali.Hedhja nga kati i katërt ka qenë fatale për 65-vjeçarin i cili ka ndërruar jetë në vend.
Ndërkohë nga informacionet paraprake bëhet e ditur se pacienti M.H 65 vjeç nga Kruja, kishte dy ditë i shtruar, dhe ishte në gjendje të rëndë por jo i intubuar.
Viktima është vjehrri i deputetit të Kuvendit të Shqipërisë Gjetan Gjetani, i cili deklaroi se do të flasë në një moment të dytë për këtë humbje, por sqaroi se vjehrri i tij kishte shfaqur probleme psikologjike.
Njoftimi i policisë:
Tiranë/Informacion paraprak
Më datë 02.09.2020, rreth orës 20:00, dyshohet se është vetëhedhur nga lartësia e një spitali shtetasi H.M., 65 vjeç dhe për pasojë ka humbur jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
