Vazhdon diskutimi i projektligjit për zgjerimin e kufirit detar të Greqisë në 12 milje në Jon. Në fillim të debatit të projektligjit të debatueshëm, në Sesionin Plenar të Parlamentit grek, ministri i Jashtëm, Dendias nënvizoi se “me dispozitat e aprovuara për herë të parë që nga viti 1947, bëhet zgjerimi i hapësirës kombëtare me 10,079 km katrorë. Dhe nëse shtojmë mbylljen e gjireve, zgjerimi tejkalon 13,000 km katrorë. Nëse dikush merr parasysh që sipërfaqja totale e vendit është 135,0000 km katrorë, e kupton madhësinë e zonës”.
Dendias deklaroi se përpara se ta ndërmerrnin këtë hap kishin njoftuar qeveritë e vendeve fqinjë, Shqipërinë dhe Greqinë, por nuk negociuan.
“Sigurisht, vendet fqinje e kuptojnë ushtrimin e së drejtës sonë. Italia e dinte. Ne i kishim thënë që do të zgjeronim ujërat tona territoriale. Kjo nuk do të thotë që ne negociuam me ta. Kryeministri shqiptar, Z. Rama bëri një deklaratë të qartë për nder të tij, kur u kritikua nga opozita shqiptare, se është e drejta jonë absolute, ashtu si Shqipëria kishte ushtruar të drejtën e saj absolute pa na pyetur mirë. Nëse ai do të na kishte informuar, unë nuk e di, unë nuk isha ministri kompetent atëherë”, deklaroi Dendias.
Dendias u kërkoi votë unanime të gjitha palëve politike.
“Ishte e rëndësishme – siç doli gjatë diskutimit në komitetin kompetent – që legjislacioni të shoqërohet nga mbështetja unanime e partive parlamentare. Për pasojë, momenti ka një element historik dhe unë dua të falënderoj ngrohtësisht palët për bashkëpunimin,” theksoi ministri
