Një burrë është rrëzuar nga ballkoni i banesës në katin e 7 të një pallati në Fier.
Nga informacionet paraprake, raportohet se 60-vjeçari Siri Runaj ka humbur jetën.
Ngjarja ka ndodhur rreth orës 09:15 të mëngjesit të sotëm në lagjen “Konferenca e Pezës”, ndërsa dyshohet se Runaj ka rrëshkitur aksidentalisht.
“Dyshohet se ka rënë nga kati i shtatë i pallatit shtetasi S.R, 60 vjeç, i cili ka gjetur vdekjen”,informon policia.
Policia ka shkuar në vendin e ngjarjes dhe është duke punuar për zbardhjen e plotë të saj.
