Për shkak të pandemisë Covid-19 që ka vënë në rrezik të gjithë botën, Ministrja e Arsimit, Besa Shahini, ka njoftuar mbylljen e vitit shkollor 2019-2020.
Megjithatë, ajo ka bërë të ditur se ky vit shkollor nuk do të digjet, ndërsa gjithkush që ndjen se nuk ka marrë mjaftueshëm njohuri nga mësimi në shtëpi, mund ta përsërisë sërish vitin.
Shahini njoftoi se provimet e lirimit të klasave të pesta dhe të nënta do të anulohen, ndërsa notat për nxënësit do të vendosen nga mësuesit me komision.
Megjithatë provimet e maturës do të zhvillohen nga data 8 deri në 18 qershor.
Katër elemente të rëndësishme për përfundimin e vitit shkollor:
- Shkollat do të hapen për maturantët nga data 18 maj deri në 5 qershor, në mënyrë që të përgatiten për provimet e maturës.
- Provimet e maturës do të mbahen në datat 8 deri në 18 qershor.
- Mësimi online do të vazhdojë deri më datën 18 maj.
- Dy javët e para të qershorit do të shfrytëzohen nga mësuesit për vendosjen e notave dhe mbylljen përfundimtare të vitit shkollor.
https://www.facebook.com/edirama.al/videos/2371119329853334/
