Një ekonomiste vendosi të zhvishej në mes të emisionit radiofonik BBC Radio 4, duke e lënë të shtangur moderatorin.
Akademikja Victoria Bateman hoqi pallton dhe u shfash nudo, ndërsa tregoi fjalinë “Brexit e la Britaninë lakuriqe”.
John Humphrys pësoi shokun e jetës së tij, ndërsa tha: “Po, ti je lakuriq. Pse e ndjeve nevojën për t’i hequr rrobat? A nuk është kjo mania për t’u dukur?”.
Ai e bëri këtë pyetje edhe lidhur me faktin se, ky veprim ishte ndërmarrë edhe më parë prej saj. Ndërsa ajo u shpreh se, largimi nga Bashkimi Europian është si “rrobat e reja të perandorit”.
“Kam dëgjuar shumë fjalë pse Brexit është e keqe për Britaninë. Por mendova që do të ishte më e dobishme t’i shkruaja dhe të përcillja një mesazh të fuqishëm. Britania ka shumë probleme tani dhe BE-ja nuk është shkaku i tyre”, tha Victoria Bateman.
Pyetur lidhur me veprimin, ajo tha:
“Jam shume komode me trupin tim, i shoh trupat e grave si një nga betejat e mëdha me të cilat ballafaqohemi sot”.
Burimi: Mirror
