Një ngjarje e paprecedent është shënuar në qytetin e Korçës, ku një adoleshent ka tentuar t’i rrëmbejë nga duart nënës, vajzën e saj 4-vjeçare.
Ngjarja ka ndodhur rreth orës 22:00, të së premtes në lagjen nr. 17 të qytetit të Korçës.
“Panorama” ben me dije se vajza ka qenë pranë nënës në momentin që një person rreth moshes 20-vjeçare i është afruar për ta rrëmbyer, por disa metra nga vendi i ngjarjes është kapur nga banorë të lagjes të cilët më pas kanë njoftuar policinë.
Pas verifikimeve policia ka bërë të mundur arrestimin e personit që tentoi të rrëmbente fëmijën.
Deri më tani, dyshimet janë se ai vuan nga probleme të shëndetit mendor, por ende nuk ka të dhëna për identitetin e tij.
/Panorama
