“Microblading” quhet teknika më e re e trajtimit të vetullave, që në ndryshim nga tatuazhet, nuk përdor gjilpërë për të dizajnuar, por një teh të veçantë që jep një rezultat natyral.
Vetulla merr një pamje tejet natyrale sepse nuk mbushet e gjithë forma e vetullës, por nxirren qime të holla dhe të lakuara në drejtimin natyral të rritjes . Kështu lëshohen sasi të vogla të pigmentit, duke plotësuar shkurtimet për t’i dhënë vetullës një pamje sa më të plotë, siç e ka për shembull Cara Delevinge.
Mirëpo përvoja e një gruaje nga Detroit-i, e cila ka bërë vetullat me “microblanding”, na ka bërë të mendohemi mirë para se ta marrim këtë hap.
Fillimisht ndryshimi ishte aq pozitiv në pamjen e saj saqë gruaja në fjalë ndihej shumë e lumtur.
Pasi kryen procedurën e parë skuqja është normale, por kjo grua përjetoi një përvojë krejt të ndryshme.
“Vetullat e mia po fillonin të bëheshin pak si gunga”, u shpreha ajo.
Menjëherë pas kësaj ajo iu drejtua një qendre të kujdesit urgjent. Pasi mori kujdesin e parë dhe mjekët i dhanë të përdorte antibiotikë, ajo u largua në shtëpi. Por pavarësisht mjekimit gjendja sa vinte dhe keqësohej. Ajo fotografonte çdo ditë ndryshimin në pamjen e saj dhe në fund iu drejtua përsëri urgjencës.
“Ata më dhanë një antibiotik shumë të fortë dhe të nesërmen në mëngjes, ata filluan të më jepnin të pija steroide”, u shpreh ajo .
Gruaja nga Detroit-i u shtrua në spital ku qëndroi për tri ditë.
“Isha e tmerruar. Nuk e di, por fytyra ime ishte enjtur, sytë e mi po mbylleshin, ndërkohë unë mendoja se çfarë po më ndodhte”, u shpreh ajo.
Dermatologi Steven Grekin, i cili u kujdes për të në vazhdim tha se kjo mund të ketë ndodhur si rezultat i alergjisë ndaj bojës së përdorur apo të ndonjë infeksioni të mundshëm.
“Kjo është potencialisht kërcënuese për jetën, nëse nuk trajtohet, sepse ajo është shumë pranë sinuseve”, tha Grekin duke shpjeguar se sinuset kanë lidhje me trurin.
Ndërsa “microblanding” duket si një procedurë e padëmshme, por realisht edhe ajo ka rreziqet e saj. Efektet anësore mund të përfshijnë acarim, skuqje, dhe në një rast më të keq, mund të kesh edhe infeksion. Por nëse shkoni në një vend që përdor mjete sterile dhe ka një personel të trajnuar siç duhet për kryerjen e procedurës, shanset për të pasur efekte anësore janë shumë të ulëta.
Grekin thotë se duhet të siguroheni që personat që do të realizojnë këtë procedurë duhet të veshin dorashka dhe të përdorin pajisje sterile.
Burimi: Women’s Health
