Një 24-vjeçare me nënshtetësi amerikane dhe maqedonase është kthyer në makthin e princ Lekës dhe Elia Zaharias, duke i përndjekur ata për muaj me radhë.
Fitore Bekteshi, që jetonte në Tiranë, është shfaqur në aktivitetet e tyre të përditshme, në çdo organizim ku ata shkonin apo në daljet private në bare dhe restorante të kryeqytetit. Fiksimi i saj ka shkuar deri aty sa ka arritur të hyjë dhe në oborrin e shtëpisë duke bërtitur se: “do e përcillte Elia Zaharian”.
Pas muajsh të tërë shqetësimi dhe ankthi, Zaharia e ka denoncuar 25-vjeçaren në Policinë e Tiranës dhe menjëherë pas kësaj, ajo është hetuar në masën e sigurisë “arrest shtëpie” dhe me akuzën “e përndjekjes”.
Sipas vendimit të gjykatës, të zbuluar nga gazeta ‘Panorama’, shkruhet se e pandehura ka pranuar krimin dhe ka thënë për Leka Zogun: “Doja ta shihja Lekën, pasi ai për mua ishte një diell më tepër, dielli vetë”. Por, ajo gjithsesi ka shpërfillur masën e sigurisë për t’u shfaqur në ceremoninë e dasmës së çiftit.
