Reperi i njohur, Stresi ka folur për herë të parë për historinë e njohjes me të dashurën, Kejsi, me të cilën ka 3 vjet i lidhur.
Sipas tij, e ëma e Kejsit, ia kishte besuar Stresit vajzën, për ta ruajtur në lagje para tre vjetësh. Kjo, edhe për faktin se Kejsi, siç tregon Stresi, është një vajzë e cila e mban shumë veten dhe bie shumë në sy.
Me kalimin e kohës, duke e “ruajtur”, Stresi e dashuroi dhe… ajo gjithashtu. “Ne shkonin shumë mirë si fqinj, Kejsi është shumë e mbajtur, është vetëm 22 vjeçe, unë jam 31 vjeç, kështu që thashë më mirë të ketë një burrë talent si unë… “.
Por në mes ka akoma një qejfmbetje: “Nuk kemi folur më me nënën e saj. Unë jam munduar t’i flas, por ka hatërmbetje prej disa muajsh… Ndoshta ka dëgjuar për të kaluarën time, ndoshta nuk ka shumë besim tek unë, por vajza më do”, – thotë Stresi.
Reperi tregoi se vajza është me studime në Kanada, ku ka edhe 2 muaj shkollë para se të diplomohet. Më pas çifti do të shkojë në Australi, për “muaj mjalti”, edhe pse për dasmën Stresi tha se, do ta bëjnë kur të duan.
