Pak kohë më parë, reperi Stresi zbuloi lidhjen e tij me Keisi Buzhanin. Ata kanë 3 vjet të lidhur dhe historia e tyre nisi kur e ëma e Keisit, ia kishte besuar Stresit vajzën, për ta ruajtur në lagje. Kjo, edhe për faktin se Kejsi, siç tregon Stresi, është një vajzë e cila e mban shumë veten dhe bie shumë në sy.
I pyetur për këtë lidhje në Pop Culture, Stresi është kujdesur ta mbyllë këtë temë pa dhënë detaje të tepërta.
“Është një intimitet shumë i madh për mua. Nuk parapëlqej të flas shumë tepër. Është diçka shumë private. Doli pa dëshirën time”, u shpreh Stresi.
Mirëpo edhe pse e quan vetën si “Bad Boy 4 Life”, Stresi e mendon martesën si një gjë shumë të bukur në jetë. I pyetur edhe për këtë, Stresi nuk anashkalon, edhe pse për momentin mund të mos ketë ndonjë gjë konkrete për të thënë:
“Martesa është gjëja më e mirë që mund t’i ndodhë dikujt në jetë dhe gjëja më e bukur pas të gjitha gjërave që ke bërë…” – thotë Stresi, por e ka të qartë se nëse është fjala për të, ceremonia e martesës do të jetë krejtësisht private, pa zhurmë të madhe, pa vëmendje mediatike, përkundrazi: “Do të ketë shumë miq…” – thotë ai dhe kjo është e kuptueshme, por do të jetë shumë intime.
Privatësia është shumë e rëndësishme për Stresin dhe këtë fakt, ai është përpjekur t’ua bëjë të qartë të gjithëve.
