Pasditen e sotme ka ndodhur një ngjarje e rëndë e cila ka tronditur mbarë opinionin publik.
62-vjeçari Haxhi Baçinozi nga Mallakastra teksa po shëtiste me djalin e tij tek Liqeni Artificial në Tiranë është qëlluar për vdekje nga dy persona.
Sipas burimeve policore autorët e vrasjes ishin të maskuar dhe të veshur me xhupa të zinj. Bëhet fjalë për dy persona nga Fieri me inicialet I.S. dhe I.B.
Dyshohet se ngjarja ka ndodhur si pasojë e një konflikti të hershëm, i cili pritet të sqarohet në orët në vijim.
Fillimisht thuhet se 62-vjeçari ka mbetur i plagosur nga 5 plumba ndërkohë më pas është transportuar me urgjencë në Spitalin e Traumës në kryeqytet, por fatkeqësisht ka ndërruar jetë gjatë operacionit.
Raportohet se viktima ka qenë i dënuar politik, nga Gjykata Ushtarake e Tiranës më 30 janar 1982, për agjitacion dhe propagandë, me 10 vjet heqje lirie dhe humbje të së drejtës elektorale për 5 vjet.
