Bill Cosby është dënuar me 3 deri në 10 vite burg, nën akuzat e drogimit dhe sulmit seksual ndaj një gruaje pranë shtëpisë së tij, 14 vite më parë. Gjykata në Pennsylvania refuzoi kategorikisht kërkesën që ai të lihej i lirë me kusht dhe vendosi që 81-vjeçari të dërgohej në burg.
Madje, gjykatësi e cilësoi si “agresor të dhunshëm seksual”.
Ndërsa aktori, refuzoi të fliste kur gjykatësi i dha mundësinë të tregonte versionin e tij të ngjarjes.
Bill Cosby u dënua më parë këtë vit për tre akuza që lidheshin me sulme serioze pasi kishte droguar dhe sulmuar seksualisht Andrea Constand, në shtëpinë e tij në Pensilvani në 2004.
Zonja Konstand është një nga më shumë se 60 gra që kanë ngritur akuza të ngjashme kundër Bill Cosby-t, por e vetmja deri tani, akuzat e së cilës, kanë çuar në një dënim.
Burimi: BBC
