Ermira Gjata ka qenë ditën e sotme pjesë e emisionit “Historia ime”.
Ajo tregoi se nga dy martesat e saj ka sjellë në jetë 3 vajza dhe me madhja prej tyre është 15 vjeç.
Ermira thotë se vajza e saj nuk takohet me të atin, pasi ai nuk dëshiron.
35-vjeçarja shprehet se ai e dëshironte djalë dhe që kur lindi vajza ish-bashkëshorti e ka shtyrë duke mos e përkëdhelur asnjëherë.
Biseda e plotë:
Mirela Milori: Ti ke 3 vajza?
Ermira Gjata: Po!
Mirela Milori: Sa vjeç janë vajzat e tua?
Ermira Gjata: E madhja është 15, e dyta është 10 dhe e vogla është 8 vjeç.
Mirela Milori: Në fakt ke tre fëmijë nga dy martesa!
Ermira Gjata: Po!
Mirela Milori: Si ndodhi martesa e parë?
Ermira Gjata: U martova me lajmësi me ish-bashkëshortin e parë, ndenja dy vjet e fejuar, ishte një lidhje normale.
Mirela Milori: Sa vjeç ishe?
Ermira Gjata: 17 vjeç!
Mirela Milori: Si e more këtë vendim?
Ermira Gjata: E mora këtë vendim për respekt të prindërve të mi!
Mirela Milori: Mbas dy vjetësh martoheni?
Ermira Gjata: Martesë! Jo tamam martesë, si rrëmbim kur i thonë.
Mirela Milori: Po pse?
Ermira Gjata: As vetë s’e kuptova këtë gjë. Thjesht erdhi më mori, i thashë të kthehesha tek prindërit, por prapë më tha nuk do kthehesh më, thjesht do ju bëjmë një telefonatë prindërve të tu dhe ata do vijnë të të marrin sipas zakonit. Kjo ishte, pastaj qëndrova aty. Mbas 3-4 muajsh ngela shtatzënë me vajzën. Gjatë shtatzënisë nuk kisha ndonjë problem, në 3 muajt e parë, pastaj filluan disa probleme familjare. Ai nuk pranonte se e mori vesh që ishte vajzë, sot e kësaj dite nuk e takon ka 15 vjet dhe filluan debatet dhe dhunë në familje.
Mirela Milori: Jetonit vetëm apo me prindërit e tij?
Ermira Gjata: Me prindërit e tij!
Mirela Milori: Si ishte marrëdhënia?
Ermira Gjata: Jo e mirë me prindërit e tij. Pastaj erdhi në jetë vajza, as nuk e përgëzonte, as e merrte në krah, thjesht e shtynte.
Mirela Milori: Nuk e donte që ishte vajzë, po si e justifikon?
Ermira Gjata: Asnjë justifikim nuk e jep, thjesht nuk e do. Nuk e pranon si vajzën e vet, thjesht pse ishte vajzë, e donte djalë.
Mirela Milori: Si është marrëdhënia e tyre tani?
Ermira Gjata: Fare, nuk e takon fare vajzën. Vajza e ka takuar kur ka qenë 5 vjeç, thjesht e detyroi zyra përmbarimore që të takojë vajzën, edhe sot e kësaj dite nuk e takon më./tvklan.al
