Në një kohë kur pandemia Covid-19 ka vënë në pauzë çdo aktivitet dhe mijëra jetë njerëzish po merren çdo ditë anembanë botës, në vendin tonë nuk ka rregulla!
Në Ferizaj, në mes të pandemisë, këngëtarja Filloreta Raçi, e njohur nga të gjithë si Fifi, ka mbajtur një koncert ku ka mbledhur një publik të gjerë.
Pa respektuar asnjë prej rregullave anti-Covid, Fifi dhe të pranishmit në koncert janë shfaqur shumë pranë njëri-tjetrit teksa këndonin e dëfrenin me këngët e 26-vjeçares.
View this post on Instagram
Në llogarinë e saj në Instagram, Fifi ka ndarë një video nga performanca e saj, e cila me të drejtë ka shqetësuar ndjekësit.
Dikush e pyet Fifin: “A keni virus najkun?” dhe prisni përgjigjen e saj!
“E kam djeg virusin sonte, m’fal për modestinë,”- shkruan Fifi.
Në fakt, kjo nuk është aspak sjellja që prisnim nga një personazh publik, i cili në vend që të sensibilizojë publikun, vë në rrezik jetën e tyre për disa performanca që mund të presin edhe ca më shumë.
Performanca e saj ishte me rastin e Pavarësisë së Kosovës, mirëpo si Kosova, ashtu edhe Shqipëria, duket të fitojë më parë pavarësinë nga virusi Covid-19, të cilin po e lufton e gjithë bota!
