Nëse mendonit se kishte vetëm një mënyrë për të shqiptuar emrin Adele, atëherë vetë këngëtarja britanike do t’ju vërtetojë të kundërtën.
Siç duket, ne e kemi shqiptuar gabim emrin e artistes 34-vjeçare gjatë gjithë kësaj kohe.
Kjo është zbuluar në një takim që Adele ka mbajtur me fansat e saj në kuadër të publikimit të këngës së saj të re.
Teksa një fanse po i bënte një pyetje, ajo iu drejtua në emër këngëtares, ku kjo e fundit e lavdëroi pasi e shqiptoi emrin e saj në mënyrën e duhur.
Fansja e quajti atë “uh-DELL” në vend të “ah-DELL”.
“E dua atë!” tha këngëtarja. “Ajo e tha emrin tim në mënyrë perfekte.”
Adele pronouncing her name during #HappyHourWithAdele pic.twitter.com/oFyQz15i5Y
— Jess✨🪐 (@someonelikejess) November 2, 2022
Pas kësaj Adele më pas shpjegoi shqiptimin e saktë të emrit përpara se t’u përgjigjej pyetjeve të tjera.
Këngëtarja organizoi mbledhjen me fansat në Los Anxhelos përpara publikimit të këngës së saj të re, “I Drink Wine”.
Kujtojmë që pak kohë më parë, Adele bëri me dije se do të bënte një pauzë nga muzika. Këngëtarja tregoi se dëshiron të shkojë në universitet. Ajo po mendonte t’i rikthehej studimeve.
“Pas Vegas-it, unë me të vërtetë dua të marr një diplomë në Letërsi Angleze. Nëse nuk do të kisha arritur në muzikë, mendoj se do të isha patjetër mësuese. Mendoj se do të isha mësuese e anglishtes”, ka thënë Adele.
“Padyshim që ndihem sikur përdor pasionin tim për anglishten në atë që bëj. Por edhe pse nuk është se do të shikoja të gjeja një punë nga diploma ime, do të doja të kisha shkuar në universitet, do të doja ta kisha pasur atë përvojë. Unë nuk do të shkoj në universitet, do ta bëj kurse online me një mësues, por ky është plani im për vitin 2025. Është vetëm për të marrë kualifikimet”, vijoi më tej këngëtarja.
