Robert Berisha nuk kishte mbushur ende 18 vjeç, kur provoi për herë të parë se ç’ishte të qëndroje brenda një qelie burgu. Si një instrumentist 17-vjeçar, ai dhe pjesëtarët e tjerë të grupit “Ilirët” u arrestuan vite më parë nga policia gjermane. Arsyeja? Kishin qëndruar 3 muaj me vizë 2-javore.
E gjitha kjo përkthehej në 60 mbrëmje, saktësisht 60 koncerte që ata kishin ndërmarrë në gjithë Gjermaninë, nga grupi që asokohe ishte tepër i suksesshëm.
“Na mbajtën një ditë në burg dhe pastaj na lanë [të lirë]”, tregon Berisha në një intervistë për “Prive”.
Për 10 vjet, arrestimi në Gjermani e përndoqi Robertin, i cili ndalohej vazhdimisht në pikat kufitare gjatë udhëtimeve të tij. Më tej, muzikanti rrëfen:
“Kam qenë në qeli me regjisorin e njohur Agim Sopi, asokohe ai ishte 50 vjeç”.
E duke qenë se nuk e zinte gjumi, Roberti qëndroi gjithë natën zgjuar.
“Shihja në tavan emra shqiptarë: Afrim, Agim”, shton Berisha duke qeshur.
Së fundmi, Roberti ishte në qendër të vëmendjes mediatike, pas publikimit të disa videove të tij përkrah modeles italiane Maria Bove. Ishte kjo e fundit që shpërndau pamje nga darka romantike, në të cilën ndodhi shkëmbimi i një puthjeje pasionante.
Disa ditë më parë, Robert Berisha përjetoi një nga ngjarjet më të trishta, pasi humbi nënën e tij. E ëma e Robertit vuante prej kohësh nga një sëmundje e rëndë dhe nuk mundi ta fitonte betejën me të. Gjatë kësaj kohe Roberti e ka kujtuar herë pas here nënën e tij, duke publikuar në rrjete sociale disa nga imazhet më bukura që ka me të.
